Ўзбекистонда хорижликлар учун махсус солиқ режими жорий этилади, деб “Чет эл фуқаролари учун махсус солиқ режими жорий этиш чора-тадбирлари тўғрисида”ги Президент фармонида белгиланди.
Фармонга кўра, 2026 йил 1 январдан бошлаб қуйидаги талабларга жавоб берадиган чет эл фуқароларининг Ўзбекистон ҳудудидан ташқаридаги манбалардан олинган даромадлари жисмоний шахслар даромад солиғидан озод қилинади:
– 50 минг АҚШ доллари миқдорида махсус йиғим тўлаш;
– Ўзбекистондаги ваколатли тижорат банкида банк ҳисобварақ очиш ёки махсус крипто-биржада крипто-ҳамён яратиш.
Бундан ташқари, кетма-кет 12 ойлик давр мобайнида 30 календар кундан ортиқ Ўзбекистонда бўлган ва мамлакатда мулк ёки ижара ҳуқуқи асосида турар жойга эга бўлган фуқаролар солиқ резиденти сифатида эътироф этилади.
“Zamin”ни Telegram'да ўқинг!
