Маълумотларга кўра, мамлакатнинг катта қисмида ёғингарчилик кутилмайди.
Қорақалпоғистон ва Хоразм вилоятида ҳаво асосан булутли бўлиб, шамол шарқдан 7–12 м/с тезликда эсади. Ҳарорат тунги соатларда 3–8 даража совуқ, кундузи эса 7–12 даража илиқ бўлиши прогноз қилинган.
Бухоро ва Навоий вилоятларида ҳам ҳаво қуруқ бўлади. Ҳарорат кечаси 0–5 даража совуқ, кундузи 10–15 даража илиқ.
Тошкент, Самарқанд, Сирдарё ва Жиззах вилоятларида осмон ўзгарувчан бўлиб, ёғингарчилик кутилмайди. Ҳарорат тунги пайтда 2 даража совуқдан 3 даража илиққача, кундузи 10–15 даража илиқ бўлади.
Қашқадарё ва Сурхондарёда об-ҳаво бироз булутли, лекин қуруқ бўлади. Кечаси 0–5 даража, кундузи 12–17 даража илиқ ҳаво кузатилади.
Андижон, Наманган ва Фарғонада ҳам қуёшли ва барқарор об-ҳаво сақланади. Ҳарорат кечаси 2 даража совуқдан 3 даража илиққача, кундузи 10–15 даража илиқ бўлади.
Тоғолди ва тоғли ҳудудларда ёғингарчилик кутилмайди, аммо Тошкент вилоятининг 2000 метрдан юқори қисмида қор кўчиши хавфи мавжуд. Ҳарорат кечаси 0–5 даража совуқ, кундузи 2–7 даража илиқ бўлади.
Синоптиклар фуқароларни ҳаво совуқлашиши ва тоғли ҳудудлардаги хавфли ҳолатлар сабаб эҳтиёткор бўлишга чақирмоқда.
