Марказий Осиё етакчилари иштирокидаги учрашув чоғида кутилмаган лаҳза бутун интернетни ларзага солди. АҚШ президенти Доналд Трамп йиғилиш пайтида Ўзбекистон президенти Шавкат Мирзиёевга кўз қисгани акс этган видео қисқа фурсатда ижтимоий тармоқларда тарқалиб, миллионлаб кўришларга сабаб бўлди.
Ушбу қисқа, аммо таъсирли лаҳза кўплаб фойдаланувчилар орасида турлича талқин қилинди. Кимдир буни “дўстона илиқлик ва ҳурмат белгиси” деб изоҳласа, бошқалар бу ҳолатни Трампга хос ҳазил-мутойиба ёки дипломатик ишора сифатида баҳолади.
Трамп ва Мирзиёев ўртасидаги ушбу лаҳза, расмий баёнотларсиз ҳам, кўплаб таҳлилларга сабаб бўлди. Ҳар ҳолда, интернет фойдаланувчилари учун бу “бир сониялик видео” аллақачон афсонага айланган.
“Дипломатия жиддий нарса, лекин баъзан биргина кўз қисиш ҳам музларни эритиши мумкин”, — деб ёзади фойдаланувчилардан бири.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
