2025-йил 20-ноябрь куни қабул қилинган PF–222-сонли Президент фармонига кўра, 2026-йил 1-февралдан бошлаб камбағал оила фарзандларига янги имтиёзлар жорий этилади. Ушбу ёндашув ижтимоий тенгликни таъминлаш ҳамда ёшларга қўллаб-қувватлов бериш мақсадида йўлга қўйилмоқда. Янги тартиб орқали таълим, ҳарбий хизмат ва касбга ўқитиш йўналишлари бўйича ёрдамлар тақдим этилади.
Хусусан, сафарбарлик чақирув захирасидаги ҳарбий хизмат эндиликда бепул амалга оширилади. Бу билан боғлиқ субсидия ажратиш амалиёти эса тўхтатилади. Давлат ушбу жараённи тўлиқ ўз зиммасига олади.
Бундан ташқари, “Ёшлар дафтари” жамғармалари ҳисобидан бир нечта йўналишларда харажатлар қопланади. Масалан, А, Б, Д ва ДE тоифали ҳайдовчилик гувоҳномасини олиш учун ўқув курсларига тўловлар субсидия қилинади. Бу эса ёшларнинг ишга жойлашиш имкониятини оширишга хизмат қилади.
Шунингдек, касб-ҳунар ва олий таълим муассасаларида ўқиётган талабаларнинг контракт тўловлари ҳам қисман қоплаб берилади. Бунда контракт суммасининг 50 фоизигача бўлган қисми ижтимоий шартнома асосида тўланади. Бу имтиёз 1 ўқув йили давомида BHMнинг 50 бараваридан ошмаслиги керак.
Меҳмон гуруҳидаги фойдаланувчилар ушбу мақолага изоҳ қолдира олмайди.
