Президент Администрациясида куч тузилмалар раҳбарлари иштирокида муҳим ишчи йиғилиш бўлиб ўтди. Унда наркожиноятчилик, жиноий гуруҳлар ва ноқонуний қурол-айланмасига қарши курашиш масалалари кўриб чиқилди.
Саида Мирзиёева йиғилишда сўз олиб, айниқса ёшлар орасида гиёҳвандликнинг олдини олиш бўйича кескин чора-тадбирлар зарурлигини таъкидлади. У гиёҳванд моддалар билан боғлиқ жиноятларга қарши мувофиқлаштирилган, самарали ва тезкор тизимни қисқа муддатда яратиш лозимлигини билдирди.
“Ёшларимизни гиёҳвандлик балосидан асраш – бу давлатнинг энг муқаддас бурчидир. Бу йўлда ҳар қандай ноқонуний ҳаракатларга қатъий чек қўйилади,” — деди Саида Мирзиёева.
Йиғилиш якунида куч тузилмалари, ҳуқуқни муҳофаза қилувчи идоралар ва мутасадди ташкилотларга тегишли топшириқлар берилди. Эндиликда, бу борада давлат сиёсати доирасида кескин бурилиш кутилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
