Ўзгидромет маълумотларига кўра, 23 декабрь куни мамлакат ҳудудларида об-ҳаво асосан ўзгарувчан бўлади. Айрим жойларда қор ёғиши, кўп ҳудудларда эса туман ва йўлларда яхмалак кузатилиши мумкин.
Тошкент шаҳрида кечаси бироз қор ёғиши эҳтимоли бор, кундузи эса ёғингарчилик кутилмайди. Эрталабки туман ҳайдовчилар учун қийинчилик туғдириши мумкин. Ҳарорат кечаси 2–4 даража совуқ, кундузи 5–7 даража илиқ бўлади.
Қорақалпоғистон ва Хоразмда ҳаво қуруқ сақланади, туман тушиши мумкин. Бухоро ва Навоий вилоятларида ҳам ёғингарчилик кутилмайди, кундузи ҳарорат 7–12 даража илиқ атрофида бўлади.
Тошкент вилояти, шунингдек Фарғона водийси ҳудудларида кечаси ва эрталаб айрим жойларда енгил қор ёғиши мумкин. Самарқанд, Жиззах ва Сирдарёда ёғингарчилик кутилмайди, аммо йўлларда яхмалак эҳтимоли бор.
Қашқадарё ва Сурхондарё вилоятларида ҳаво барқарор, туман тушиши мумкин. Тоғли ҳудудларда эса кечаси ва эрталаб қор ёғиши, айрим жойларда қор кўчиши хавфи сақланиб қолади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
