Президент фармонига кўра, Ўзбекистонда Рамазон ҳайити расман 20 март куни нишонланади. Ҳужжатда байрамни бутун мамлакат бўйлаб кўтаринки руҳда ўтказиш, унда халқнинг анъана ва урф-одатларини акс эттирувчи тадбирларни ташкил этиш режалари белгиланган.
Фармонга кўра, ҳудудлардаги байрам тадбирлари Наврўз умумхалқ байрами билан уйғун ҳолда ташкил этилади. Аҳоли орасида меҳр-оқибат, бирдамлик ва бағрикенгликни мустаҳкамлаш мақсадида байрам кунларида маданий, маърифий ва хайрия тадбирларини қўллаб-қувватлаш кутилмоқда.
Мазкур қарор ҳукуматнинг байрамни нафақат шодиёналар вақти, балки жамиятни қўллаб-қувватлаш ва ижтимоий бирликни мустаҳкамлаш фурсати сифатида ҳам кўриш ниятини таъкидлайди. Ўзаро ғамхўрликни тарғиб қилувчи ва асрлар давомида шаклланган миллий қадриятларни асрашга хизмат қилувчи тадбирларга алоҳида эътибор қаратилади.
“Zamin”ни Telegram'да ўқинг!
