Москвадан Термизга парвоз қилаётган самолёт об-ҳаво шароити сабаб Самарқандга йўналтирилди

Москвадан Термизга парвоз қилаётган самолёт ноқулай об-ҳаво шароити сабаб ўз йўналишини ўзгартиришга мажбур бўлди.

Маълум қилинишича, Pobeda Airlines авиакомпаниясига тегишли мазкур рейс чанг бўрони туфайли захира аэропортга йўналтирилган.

Экипаж хавфсизликни биринчи ўринга қўйган ҳолда парвозни давом эттирмасликка қарор қабул қилган. Шу сабабли самолёт Самарқанд халқаро аэропортига бурилган.

Манбаларга кўра, ҳаво кемаси Самарқандга муваффақиятли ва хавфсиз тарзда қўнган.

Ҳозирда йўловчиларнинг ҳолати яхши экани, барча зарур чоралар кўрилгани қайд этилмоқда.

Мутахассислар бундай ҳолатларда хавфсизлик талабларига қатъий амал қилиш биринчи даражали аҳамиятга эга эканини таъкидлашмоқда.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг