18:57 / 19.05.2020
720

Карантин вақтида инсонларни бахтли қилувчи машғулот тури аниқланди

Карантин вақтида инсонларни бахтли қилувчи машғулот тури аниқланди

Американинг Принстон университети олимлари коронавирус туфайли жорий этилган карантин вақтида одамларни бахтли қила оладиган машғулот турини аниқлади, деб ёзади «Korrespondent.net».

Экспертларнинг фикрича, бу боғдорчилик ёки деҳқончилик.

Мутахассислар тадқиқот ўтказиб, 370 нафар америкаликка сайр, харид қилиш, жамоат транспортида юриш, ҳобби каби ҳар кунги одатий ишлар қандай таъсир ўтказишини ўрганди.

Кузатувлар вақтида тадқиқотнинг айрим иштирокчилари ҳафтада икки соатча ҳовлисидаги боғ ёки далада меҳнат қилиши аниқланди. Маълум бўлишича, ушбу инсонлар бошқаларга қараганда ўзида қониқиш ҳамда керакли эканлигини ҳис этади.

«Озгина далангиз ёки боғингиз бўлса, реабилитация марказларига пул тўлашга нима ҳожат? Экин экинг!», — дейди мутахассислар.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)