AvtoVAZ компанияси ўзининг бўлажак Lada Азимут кроссовери ҳақида қизиқарли маълумотларни ошкор қилди. Ушбу моделнинг тахминан 40 фоизи панорамали том ва электр люк билан жиҳозланади. Бу ечим ихчам кроссоверлар сегментида Россия бозори учун энг йирикларидан бири бўлиши кутилмоқда. Бу ҳақда Ixbt.com хабар беради.
Мураккаб конструкция туфайли панорамали томга эга автомобиллар асосий конвеердан махсус участкага йўналтирилади. У ерда роботлаштирилган стенд ёрдамида том модули атиги 4 дақиқада ўрнатилади. Тизим модулни олд ойна тирқиши орқали узатади, аниқ жойлаштиради ва 6 та ақлли гайкаш ёрдамида маҳкамлайди.
Ишлаб чиқариш жараёнида лазерли пайвандлаш технологияси қўлланилади, бу эса конструкциянинг мустаҳкамлигини таъминлайди. Шунингдек, Lada Азимут дунёда биринчи бўлиб олд ён ойналарни қиздирувчи махсус иплар билан жиҳозланади.
Автомобил 2026-йилнинг тўртинчи чорагида сотувга чиқиши кутилмоқда. Бошланғич нархлар 2,2 миллиондан 2,5 миллион рублгача баҳоланмоқда. Модел 1,6 литрли (120 о.к.) ва 1,8 литрли (132 о.к.) двигателлар билан тақдим этилади.
Технологик жиҳатдан кроссовер ГигаЧат асосидаги мультимедиа тизими, Сбер хизматлари, тўлиқ ЛEД оптика ва атрофлама кўриш камералари билан бойитилган. Келгусида 390 от кучига эга гибрид ва тўлиқ узатмали версия ҳам пайдо бўлиши режалаштирилган.
“Zamin”ни Telegram'да ўқинг!
