Хитойнинг электромобил ишлаб чиқарувчи гиганти BYD келгуси уч йил ичида Европа бозорига мослаштирилган янги автомобиллар қаторини тақдим этишни мақсад қилган. Ушбу стратегия келаси ойда тақдим этиладиган Долпҳин Г гибрид модели билан бошланади. Автомобил июль ойида бўлиб ўтадиган Гоодвоод Фестивал оф Спеед тадбирида кенг жамоатчиликка намойиш этилади. Бу ҳақда Autocar.co.ук хабар беради.
BYD ижрочи вице-президенти Стелла Ли компаниянинг Европа истеъмолчилари учун маҳаллий бренд сифатида қабул қилинишини исташини таъкидлади. Унинг сўзларига кўра, Хитой бозорида автомобиллар ҳажми тобора катталашиб бораётган бўлса-да, Европанинг Париж, Милан ва Лондон каби шаҳарларида ихчамроқ моделлар талабгир бўлиб қолмоқда.
Компания келажакда Б ва К сегментидаги автомобиллар учун Европа стандартларини жорий этишни режалаштирмоқда. Стелла Лининг айтишича, Европа учун мўлжалланган автомобиллар узунлиги 4,3 метрдан ошмаслиги керак. Бу ёндашув Хитойдан импорт қилинадиган автомобиллар ўрнига айнан Европа дидига мос келадиган янги дизайндаги транспорт воситаларини яратишни назарда тутади.
Янги моделлар нафақат Европа талабларига мослашади, балки уларни айнан шу минтақада ишлаб чиқариш ҳам кўзда тутилган. Ҳозирда BYD компаниясининг Венгриядаги янги заводида қурилиш ишлари якунланмоқда. Ушбу завод йил охирида ишга туширилиши кутилмоқда ва у ерда Долпҳин Сурф ҳамда Атто 2 каби электромобиллар йиғилиши режалаштирилган.
“Zamin”ни Telegram'да ўқинг!
