Катерҳам компанияси ўзининг янги Proжект В электромобили ҳаракатланаётган видеолавҳани тақдим этди. Кадрларда прототипнинг синов полигонида турли манёврларни бажариши, жумладан, юқори тезликдан тормозланиш ва қувватлаш жараёнлари акс этган. Ушбу купенинг илк ҳаракатланувчи прототипи январ ойида Токиодаги автосалонда намойиш этилган эди. Бу ҳақда Autocar.co.uk хабар беради.
Компания 2024-йил октабр ойида Ямаҳа томонидан етказиб бериладиган электр двигателдан фойдаланишини эълон қилганидан сўнг, лойиҳа ривожланиши ҳақида кам маълумот бераётган эди. 2025-йил декабрида Британия бренди электромобилнинг двигатели, батарея самарадорлиги ва шасси чидамлилигини баҳолаётганини маълум қилди. Компания бош директори Казуҳо Такаҳаши ушбу босқич автомобилни ҳар томонлама синовдан ўтказиш дастурини якунлаш имконини беришини таъкидлади.
Proжект В илк бор 2023-йилда Гоодвоод Фестивал оф Спеед тадбирида концепция кўринишида намойиш этилганди. Янги видеода прототип уч йил аввалги концепцияга жуда ўхшашлиги кўринади. Асосий ўзгаришлар қаторига орқа чироқларнинг тўртбурчак шаклдан Ferrari Ф355 услубидаги тўртта юмалоқ чироққа алмаштирилиши ҳамда Момо рул чамбараги ўрнатилиши киради.
Техник кўрсаткичларга кўра, Proжект В 268 от кучига эга бўлиб, 1430 кг вазн билан 0 дан 100 км/соат тезликка 5 сониядан камроқ вақт ичида эришади. Дастлабки режаларда автомобилнинг вазни 1190 кг бўлиши ва тезланиш кўрсаткичи 4,5 сониядан камроқ бўлиши кўзда тутилган эди.
“Zamin”ни Telegram'да ўқинг!
