AvtoVAZнинг собиқ муҳандиси ва таниқли инсайдер ХаДм янги Lada Азимут кроссоверининг серия олди нусхасига тегишли салон суратларини эълон қилди. Тасвирларда автомобилнинг энг юқори комплектацияси акс этган бўлиб, унда панорамали том мавжуд. Ушбу технологияни жорий этиш учун завод ишлаб чиқариш линиясини жиддий модернизация қилган эди. Бу ҳақда Ixbt.com хабар беради.
Инсайдернинг сўзларига кўра, Lada Азимут салонида юmsҳоқ ва текстурали пластикдан фойдаланилган, прототиплардаги қаттиқ материаллардан воз кечилган. Барча тугмалар тўлиқ ишчи ҳолатда, мультимедиа тизими эса юқори сезувчанликка эга. Деталларнинг бир-бирига мосланиши ва йиғилиш сифати ҳам сезиларли даражада яхшиланган.
Lada Азимут Б+ классидаги кроссовер бўлиб, у Lada Веста платформасининг модернизация қилинган версиясида қурилган. Автомобилнинг ғилдираклар базаси 2675 мм, клиренци 208 мм, ўлчамлари эса 4416 × 1838 × 1607 мм ни ташкил этади. Бу модел бренднинг келажакдаги флагмани ва компаниянинг илк серияли кроссовери бўлиши кутилмоқда.
Дастлабки босқичда Азимут 1,6 ва 1,8 литрли (120 ва 132 от кучи) атмосфера двигателлари, механик узатмалар қутиси ёки вариатор билан жиҳозланади. Кейинчалик қаторга 1,5 литрли турбомотор ва кучли гибрид версия қўшилиши режалаштирилган. Автомобилнинг тахминий нархи комплектациясига қараб 2,2 миллиондан 2,7 миллион рублгача бўлиши айтилмоқда.
Янги кроссовернинг серияли ишлаб чиқарилиши 2026-йилнинг сентябрь ойига мўлжалланган бўлиб, сотувлар ўша йилнинг тўртинчи чорагида бошланиши кутилмоқда.
“Zamin”ни Telegram'да ўқинг!
