1 июндан бошлаб Туркияга кириш учун сайёҳлардан ПЗР-тести ёки тезкор антиген тестининг салбий натижаларини кўрсатиш талаб этилмайди, деб ёзмоқда TRT Haber телеканали.
ОАВ маълумотларига кўра, Туркия Ички ишлар вазирлиги 81 вилоят ҳокимиятига «Мамлакатга кириш чора-тадбирлари тўғрисида»ги ҳужжатни юборган.
Ҳужжатга кўра, 1 июндан бошлаб Туркияга исталган чегара пунктлари (қуруқлик, ҳаво, денгиз ва темир йўл) орқали киришда ташрифдан максимал 72 соат олдин ўтказилган ПЗР-тестининг манфий ҳисоботини ёки максимал 48 соат ичида олинган антиген тестининг салбий натижасини тақдим этиш шарт бўлмайди.
Сўнгги пайтларда Туркияда COVID-19 билан касалланишнинг камайгани, шунингдек, пандемиянинг аҳоли саломатлигига таҳдиди пасайгани мамлакатга киришда қўйиладиган талабларни енгиллаштириш имконини берди.
30 май куни Туркияда ниқоб тақиш мажбурияти бекор қилинганди. «Ниқоблар энди мажбурий эмас, шифохоналарда тақиш бундан мустасно. Лекин ўтган шунча тажрибадан сўнг, одам гавжум ёпиқ жойларда, айниқса жамоат транспортида фойдаланиш учун ўзимиз билан ниқоб олиб юришимиз мумкин», — деди Туркия соғлиқни сақлаш вазири Фаҳриддин Кожа.
Эслатиб ўтамиз, Италия ҳам мамлакатга кириш учун барча антиковид чекловларини бекор қилганди, Испания эса эмланмаган сайёҳларнинг мамлакат ҳудудига киришига рухсат берган. Аввалроқ яна тўққизта давлат, жумладан, Исроил, Индонезия, Марокаш, Австрия, Вьетнам, Малайзия, Тайланд, Арманистон, Қирғизистон ПЗР-тестининг салбий натижасини тақдим этиш тартибини бекор қилиб, кириш талабларини енгиллаштирган эди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
“Рома” Шомуродов учун яна 8 миллион евро харажат қилади!
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Украина президенти маҳбусларни сафарбар қилиш тўғрисидаги қонунни имзолади
Пневматик қуролларни ўз ихтиёри билан топширганлар жавобгарликдан озод этилади
Ўзбекистонликлар доимий яшаш учун кўпроқ қайси давлатларга кўчиб кетмоқда?
Шимолий Корея янги кўрсаткичларга эга баллистик ракетани синовдан ўтказди
Мессининг салкам 1 миллион долларга сотилган салфеткаси ҳақида