Фото: AP
Туркия президенти Ражаб Тоййиб Эрдўған 6 февралга ўтар кечаси ва кундузи содир бўлган кучли зилзила қурбонлари хотирасига бағишлаб мамлакатда умуммиллий мотам эълон қилди. Мотам 12 февралгача давом этади.
«Мамлакатимизда рўй берган зилзилалар туфайли 7 кунлик миллий мотам эълон қилинди. 12 феврал, якшанба кунигача барча миллий ва хорижий идораларимиздаги байроқлар қуёш ботгунга қадар тушириб қўйилади», дейилади Туркия президентининг баёнотида.
Расмийларнинг сўнгги маълумотларига кўра, Туркияда содир бўлган зилзила оқибатида 1651 киши ҳалок бўлган, 11 мингдан ортиқ киши жароҳатланган, кўплаб уй-жойлар вайрон бўлган. Сейсмик тўлқинлар етиб борган қўшни Сурияда қурбонлар сони 960 нафардан ошган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
