Норвегия Қуролли кучлари бош штаби бошлиғи Эйрик Кристофферсен Ослода Россиянинг эҳтимолий тажовузкорлигига қарши туриш учун ҳарбий салоҳиятни оширишга мухлат озлигини айтди.
Кристофферсеннинг сўзларига кўра, мамлакат қуролли кучларида «бир, икки, балки уч йил давом этиши мумкин бўлган» имкониятлар ойнаси бор, бу даврда мудофаа харажатларини ошириш керак.
«Аммо бизда вақт тугаяпти. Мен фақат шуни таъкидламоқчиман. Биз уч йилдан кейин Россия билан нима бўлишини билмаймиз. Биз ноаниқ ва олдиндан айтиб бўлмайдиган дунёни кучли миллий мудофаа билан кутиб олишимиз керак», деди у.
Унинг таъкидлашича, Россия ўзининг ҳарбий салоҳиятини «кутилганидан ҳам тезроқ» кучайтирмоқда.
Аввалроқ, Швеция фуқаролик мудофааси вазири Карл-Оскар Булин мамлакатда эҳтимолий уруш ҳақида гапирди ва ватандошларини жанговар ҳаракатларга тайёр туришга чақирди. Шунингдек, у фуқаролик мудофаасини қайта қуроллантириш етарлича тез давом этмаётганидан хавотир билдирди.
Шунингдек, Нидерландия Қироллиги армияси бош қўмондони генерал Мартин Вийнен ҳам юртдошларини Россия билан жанг қилишга тайёр бўлишга чақирган эди.
“Замин” янгиликларини “Telegram”да кузатиб боринг
