Анант Амбани ва Радҳика Мерчантнинг шов-шувли тўйи кўпчиликни ҳайратда қолдирди. Аммо Ҳиндистонда бу одатий ҳол: қуйида энг ҳашаматли тўй маросимлари ҳақида маълумот берамиз.

Анант Амбани ва Радҳика Мерчант: 300 дан 600 миллион долларгача

Бутун дунё Анант Амбани ва Радҳика Мерчантнинг тўйини бир неча ой давом этган қизиқарли телесериал каби томоша қилди. Баҳорда севишганлар тўй олди базмларини бир неча кун нишонлашди ва июль ойида 3 кун давом этган асосий маросим бўлиб ўтди. Расмий харажатлар ошкор этилмаган, бироқ турли мутахассислар аллақачон ўз фикрларини билдирган.

Консерватив ҳисоб-китобларга кўра, тўйга камида 150 миллион доллар сарфланган, аммо машҳур меҳмонлар учун озиқ-овқат, хавфсизлик, трансферлар ва турар жой харажатлари, шунингдек, гонорарлар (Рианна 7 миллион доллар ва Жастин Бибер 10 миллион доллар олгани хабар қилинган) учун катта пул тўланган.

Иша Амбани ва Ананд Пирамал: тахминан 100 миллион доллар

Анантанинг опаси ва миллиардер Мукеш Амбанининг ягона қизи Иша Амбани 2018 йилда Ананд Пирамалга турмушга чиққанди, бу тўй деярли бир ҳафта давом этган ва дабдабали тантана дунёнинг турли бурчакларида нишонланган. Базмлар Удайпур, Италиянинг Комо кўли ва Мумбайда халқаро супер юлдузлар иштирокида бўлиб, тўй маросимининг ўзи эса Ҳиндистондаги Пичола кўлидаги хусусий оролда бўлиб ўтади.

Сушанто ва Симанто Ройнинг қўшалоқ тўйи: тахминан 75 миллион доллар

2004 йилда бизнес-магнат Субрата Рой икки ўғлини бир вақтнинг ўзида уйлантиради. Экстравагант тадбир Лакнаудаги Саҳара стадионида бўлиб ўтади. Бир ҳафта давом этган байрамда 11 000 дан ортиқ меҳмон, жумладан, Болливуд юлдузлари ва спорт арбоблари ҳамда бутун дунёдан келган меҳмонлар ҳам иштирок этади.

Браҳмани ва Ражив Редди: 74 миллион доллар

2011 йилда ноқонуний кончилик фаолияти учун ҳибсга олинган магнат ва сиёсатчи Жанардхан Редди 2016 йилда қизи Браҳманининг тўйини дабдаба билан ўтказган. Бангалор саройидаги беш кунлик тўйга 50 000 дан ортиқ меҳмон ташриф буюрган.

Ваниша Миттал ва Амит Бҳатия: тахминан 66 миллион доллар

Прамод Митталнинг жияни — пўлат магнати Лакшми Митталнинг қизи Ваниша тўйини Европада нишонлаган. 2004 йилда у лондонлик банкир Амит Бҳатияга турмушга чиқади. Олти кунлик байрам Парижда бўлиб ўтади — унда Кайли Миног, Шоҳруҳ Хон, Айшвария Рай каби Болливуд юлдузлари чиқиш қилади. Машҳур ҳинд шоири Жавед Ахтар тўй олдидан ўтказиладиган маросимлар сценарийсини ёзган. Асосий тўй маросими XVII асрга тегишли Ваух-ле-Виcомте қасрида бўлиб ўтади, унинг боғида 35 дан ортиқ мумбайлик ҳунарманд оммавий маросимлар учун анъанавий павильон — мандапа қуради.

Вират Коҳли ва Анушка Шарма: 15 миллион доллар атрофида

Ҳиндистоннинг собиқ крикет сардори Вират Коҳли ва Болливуд актрисаси Анушка Шарма 2017 йил декабрь ойида Италиянинг Комо кўлида турмуш қуришади. У ерда севишганлар ҳинд анъаналарига кўра никоҳдан ўтади. Бир неча кундан сўнг Мумбайда дабдабали тўй зиёфати ташкил қилиниб, унда машҳурлар ва крикетчилар иштирок этади. Кейин тўй Деҳлига кўчади, бу ерда бош вазир Нарендра Модининг ўзи байрамга ташриф буюради.

Ранвир Сингҳ ва Дипика Падуконе: 11,5 миллион доллар атрофида

Олти йиллик танишувдан сўнг 2018 йилда Болливуд жуфтлиги Ранвир Сингҳ ва Дипика Падуконе Италиядаги Комо кўлида оила қуради. Улар биринчи тўй маросимини конкани халқи анъаналари бўйича Вилла д’Эстеда, иккинчисини эса синдҳи анъаналари бўйича Вилла Роккабруна меҳмонхонасида ўтказади. Кейин келин-куёв Ҳиндистонга қайтиб, келин улғайган Бангалор ва Мумбайда зиёфат бериб, байрамни давом эттиради. “Замин” янгиликларини “Twitter”да кузатиб боринг

Анант Амбани ва Радҳика Мерчантнинг шов-шувли тўйи кўпчиликни ҳайратда қолдирди. Аммо Ҳиндистонда бу одатий ҳол: қуйида энг ҳашаматли тўй маросимлари ҳақида маълумот берамиз.

Анант Амбани ва Радҳика Мерчант: 300 дан 600 миллион долларгача

Бутун дунё Анант Амбани ва Радҳика Мерчантнинг тўйини бир неча ой давом этган қизиқарли телесериал каби томоша қилди. Баҳорда севишганлар тўй олди базмларини бир неча кун нишонлашди ва июль ойида 3 кун давом этган асосий маросим бўлиб ўтди. Расмий харажатлар ошкор этилмаган, бироқ турли мутахассислар аллақачон ўз фикрларини билдирган.

Консерватив ҳисоб-китобларга кўра, тўйга камида 150 миллион доллар сарфланган, аммо машҳур меҳмонлар учун озиқ-овқат, хавфсизлик, трансферлар ва турар жой харажатлари, шунингдек, гонорарлар (Рианна 7 миллион доллар ва Жастин Бибер 10 миллион доллар олгани хабар қилинган) учун катта пул тўланган.

Иша Амбани ва Ананд Пирамал: тахминан 100 миллион доллар

Анантанинг опаси ва миллиардер Мукеш Амбанининг ягона қизи Иша Амбани 2018 йилда Ананд Пирамалга турмушга чиққанди, бу тўй деярли бир ҳафта давом этган ва дабдабали тантана дунёнинг турли бурчакларида нишонланган. Базмлар Удайпур, Италиянинг Комо кўли ва Мумбайда халқаро супер юлдузлар иштирокида бўлиб, тўй маросимининг ўзи эса Ҳиндистондаги Пичола кўлидаги хусусий оролда бўлиб ўтади.

Сушанто ва Симанто Ройнинг қўшалоқ тўйи: тахминан 75 миллион доллар

2004 йилда бизнес-магнат Субрата Рой икки ўғлини бир вақтнинг ўзида уйлантиради. Экстравагант тадбир Лакнаудаги Саҳара стадионида бўлиб ўтади. Бир ҳафта давом этган байрамда 11 000 дан ортиқ меҳмон, жумладан, Болливуд юлдузлари ва спорт арбоблари ҳамда бутун дунёдан келган меҳмонлар ҳам иштирок этади.

Браҳмани ва Ражив Редди: 74 миллион доллар

2011 йилда ноқонуний кончилик фаолияти учун ҳибсга олинган магнат ва сиёсатчи Жанардхан Редди 2016 йилда қизи Браҳманининг тўйини дабдаба билан ўтказган. Бангалор саройидаги беш кунлик тўйга 50 000 дан ортиқ меҳмон ташриф буюрган.

Ваниша Миттал ва Амит Бҳатия: тахминан 66 миллион доллар

Прамод Митталнинг жияни — пўлат магнати Лакшми Митталнинг қизи Ваниша тўйини Европада нишонлаган. 2004 йилда у лондонлик банкир Амит Бҳатияга турмушга чиқади. Олти кунлик байрам Парижда бўлиб ўтади — унда Кайли Миног, Шоҳруҳ Хон, Айшвария Рай каби Болливуд юлдузлари чиқиш қилади. Машҳур ҳинд шоири Жавед Ахтар тўй олдидан ўтказиладиган маросимлар сценарийсини ёзган. Асосий тўй маросими XVII асрга тегишли Ваух-ле-Виcомте қасрида бўлиб ўтади, унинг боғида 35 дан ортиқ мумбайлик ҳунарманд оммавий маросимлар учун анъанавий павильон — мандапа қуради.

Вират Коҳли ва Анушка Шарма: 15 миллион доллар атрофида

Ҳиндистоннинг собиқ крикет сардори Вират Коҳли ва Болливуд актрисаси Анушка Шарма 2017 йил декабрь ойида Италиянинг Комо кўлида турмуш қуришади. У ерда севишганлар ҳинд анъаналарига кўра никоҳдан ўтади. Бир неча кундан сўнг Мумбайда дабдабали тўй зиёфати ташкил қилиниб, унда машҳурлар ва крикетчилар иштирок этади. Кейин тўй Деҳлига кўчади, бу ерда бош вазир Нарендра Модининг ўзи байрамга ташриф буюради.

Ранвир Сингҳ ва Дипика Падуконе: 11,5 миллион доллар атрофида

Олти йиллик танишувдан сўнг 2018 йилда Болливуд жуфтлиги Ранвир Сингҳ ва Дипика Падуконе Италиядаги Комо кўлида оила қуради. Улар биринчи тўй маросимини конкани халқи анъаналари бўйича Вилла д’Эстеда, иккинчисини эса синдҳи анъаналари бўйича Вилла Роккабруна меҳмонхонасида ўтказади. Кейин келин-куёв Ҳиндистонга қайтиб, келин улғайган Бангалор ва Мумбайда зиёфат бериб, байрамни давом эттиради. “Замин” янгиликларини “Twitter”да кузатиб боринг