БМТ Украина бўйича иккита резолюцияни қабул қилди. АҚШ Россия босқинини қораламади

1 дақиқа ўқиш750
БМТ Украина бўйича иккита резолюцияни қабул қилди. АҚШ Россия босқинини қораламади
Фото: UN News
БМТ Бош ассамблеяси 24 феврал куни бўлиб ўтган йиғилишда Россия—Украина уруши бўйича иккита резолюция қабул қилди. Бу ҳақда БМТнинг Х ижтимоий тармоғидаги саҳифасида маълум қилинди.

Қайд этилишича, Бош ассамблея дастлаб Европа Иттифоқи мамлакатлари ва Украина томонидан тайёрланган резолюцияни қабул қилган. «Украинада кенг қамровли, адолатли ва мустаҳкам тинчликни илгари суриш» деб номланган ҳужжат кескинликни юмшатиш, жанговар ҳаракатларни тезда тўхтатиш ва урушни тинч йўл билан ҳал қилишга чақиради.

Унга 93 та давлат ёқлаб овоз берган, 18 давлат қарши чиққан ва 65 давлат бетараф қолган (жумладан, Ўзбекистон ҳам). Резолюцияга қарши овоз берганлар орасида АҚШ, Россия ва Венгрия бор. Шу билан бирга, Хитой овоз беришда бетараф қолган.
БМТ Украина бўйича иккита резолюцияни қабул қилди. АҚШ Россия босқинини қораламади
Кейинроқ Бош ассамблея Қўшма Штатлар томонидан тайёрланган «Тинчлик сари йўл» резолюцияси учун овоз берган. Таъкидланишича, АҚШ ўз резолюцияга Европа давлатлари томонидан таклиф қилинган тузатишларни киритган, хусусан, «Россия Федерацияси ва Украина ўртасидаги можаро» сўзлари Россиянинг «кенг кўламли босқини» сўзлари билан алмаштирилган.

Резолюция лойиҳаси учун 92 та давлат овоз берган, саккизтаси қарши чиққан (жумладан, Россия) 73 та давлат эса овоз беришдан тийилган — улар орасида АҚШ ҳам бор.

БМТ Бош ассамблеяси РФнинг АҚШ томонидан тайёрланган резолюцияга тузатишини қўллаб-қувватламади. Россиянинг БМТдаги доимий вакили Василий Небензяга кўра, РФ «Украина инқирозининг асл сабабларини бартараф этиш зарурлиги тўғрисида»ги ҳужжатга ўзгартиришлар киритган.

Эслатиб ўтамиз, 2023 йилда ҳам Ўзбекистон БМТнинг Россия агрессияси қайд этилган резолюциясига овоз беришда бетараф қолганди.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?