Шанба куни АҚШ президенти Доналд Трамп билан Финландия президенти Александр Стубб ўртасида Флоридада бўлиб ўтган етти соатлик учрашув чоғида Америка раҳбари фин ҳамкасбидан Россия президенти Владимир Путинга ишониш мумкинми, деб сўради.
Бу ҳақда Стубб якшанба куни Лондонда ўтказилган матбуот анжуманида маълум қилди. Унинг сўзларини финларнинг Yle нашри келтирди.
Финландия президенти учрашув самарали кечганини таъкидлаб, икки асосий масала муҳокама қилинганини айтди: Финландия ва АҚШ ўртасидаги икки томонлама муносабатлар ҳамда Россиянинг Украинага қарши босқини.
Стуббнинг сўзларига кўра, у Трампга Финландия ва бутун Европанинг Украинага қарши урушдаги қатъий қўллаб-қувватловини билдирган. У шунингдек, бу урушда фақат битта ташаббускор бўлганини таъкидлаган.
«Трамп мендан Путинга ишониш мумкинми, деб сўради. Мен унга йўқ, деб жавоб бердим», — деди Финландия раҳбари.
Стуббнинг фикрича, Трамп билан бўлган учрашувдан сўнг Финландия ва АҚШ муносабатлари яна бир босқичга кўтарилган.
«Агар Россия Украинадаги оташкесимга амал қилмаса ёки унга хилоф юрса, АҚШ Россияга қарши янги санкциялар тайёрламоқда», — деди Стубб Флоридага ташрифидан сўнг.
Фото: Yle
Маълумотга кўра, шанба куни Трампнинг Мар-а-Лаго резиденциясида ўтган учрашув пайтида икки давлат раҳбарлари, бошқа мавзулар қаторида, голф ҳам ўйнашган.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
