Америкалик комик ва паранормал ҳодисалар ишқибози Мэтт Райф ҳамда унинг дўсти, YouTuber Элтон Касти машҳур Уорренлар коллекциясига қонуний васий сифатида эга бўлишди. Бу коллекцияда энг машҳур артефакт — Аннабель кукласи ҳам бор.
Эд ва Лоррейн Уоррен – реал паранормал ҳолатларни ўрганган машҳур тадқиқотчилар. Улар ҳақидаги маълумотлар "Заклятие" (The Conjuring) фильмига асос бўлган. Уларнинг музейидаги энг машҳур экспонат – Аннабель номли антиқа кукла бўлиб, унга демоник руҳ боғлангани айтилади.
Улар коллекцияни сотиб олмаган, лекин беш йилга расмий васийлик ҳуқуқини қўлга киритишди. Бу уларга Аннабель ва бошқа артефактлардан жамоат фойдаси учун фойдаланиш имконини беради.
Уорренлар музейи 2019 йилда ёпилган эди. Райф ва Касти уни қайта очиб, экскурсиялар ва тунги тажрибалар ташкил қилмоқчи. Бунда хавфсизлик ва ёнғинга қарши чораларга амал қилиниши шарт.
Дэн Ривера воқеаси
Аннабельни кўргазмаларда намоён қилган паранормал тадқиқотчи Дэн Ривера июль ойида тўсатдан вафот этди. Расмий маълумотларга кўра, ўлим пайтида кукла ҳузурида бўлмаган, жиноий аломатлар йўқ.
Сўнгги йилларда мамлакатимизда ҳам паранормал мавзуларга қизиқиш ортяпти. YouTube ва TikTok орқали бундай контент кенг тарқалмоқда. Аннабель ҳақидаги воқеалар эса бу қизиқишни янада ошириши мумкин.
«Замин»ни Telegram’да ўқинг!
