Британиялик аёл каламушлари чизган расмларни сотиб, даромад топмоқда

1 дақиқа ўқиш1.7K
Британиялик аёл каламушлари чизган расмларни сотиб, даромад топмоқда

Буюк Британияда кутилмаган ҳолат жамоатчилик эътиборини тортди. Оддий талабанинг уй ҳайвонлари бўлган каламушлар ҳозирда интернет орқали катта пул ишлаб топа бошлади. "Daily Star" ёзишича, Британиялик Элла Вудленд ўзининг саккизта каламушини “ижодкор”га айлантирди ва улар чизган асарларни сотиш орқали даромад кўра бошлади.

Маълумотларга кўра, 2025 йил февраль ойида Элла илк бор уй ҳайвонларига акварель ва болалар учун мўлжалланган бўёқлар сурилган холст атрофида эркин ҳаракатланишга рухсат берди. Натижада уларнинг югуриши орқали ранг-баранг излардан ташкил топган мавҳум картиналар пайдо бўлди. Шу вақтдан кейин у ушбу асарларни интернет орқали савдога қўйишга қарор қилди.

Аввалига бу расмлар катта қизиқиш уйғотмади, уларнинг баҳоси ҳам арзон — ўн фунт стерлинг атрофида эди. Бироқ ижтимоий тармоқларда видеолар тарқалиши билан вазият кескин ўзгарди. Миллионлаб томошалар ортидан талаб жуда юқори даражада ошди. Энди эса битта расмнинг баҳоси 500 фунтгача кўтарилгани айтилмоқда.

Элла Вудленд топган маблағларни асосан ўз каламушларининг яхши ҳаётига сарфлаяпти. Масалан, у аллақачон 250 фунтга тенг бўлган юқори сифатли қафас, махсус туннеллар ва қиммат озуқа аралашмалари сотиб олган. Шу орқали у ҳайвонларига янада қулай шароит яратиб бермоқда.

Элланинг таъкидлашича, авваллари буюртмалар жуда кам келган — ҳафтасига икки ёки учтадан ошмаган. Бироқ мижозлардан бири расмларни ижтимоий тармоқларда жойлаштиргандан кейин талаб 500 фоизга кўтарилган. Ҳозирда у ҳафтасига 20 га яқин асар сотишга улгурмоқда ва уларнинг барчаси қисқа вақт ичида сотиб олинади.

Мутахассислар таъкидламоқда: бу воқеа нафақат интернетдаги ноодатий трендни, балки одамларинг уй ҳайвонларига бўлган қизиқиши ортиб бораётганини ҳам кўрсатади. Элла Вудленд эса каламушларининг “талант”и орқали нафақат моддий манфаат кўраётган, балки минглаб одамларни ижобий кайфият билан ҳам таъминлаяпти.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?