Трамп БМТ саммитида 20 раҳбар билан учрашади

АҚШ президенти Дональд Трамп БМТ Бош Ассамблеясининг 80-сессияси доирасида бир қатор учрашувлар ўтказишини билдирди. Унинг сўзларига кўра, у йигирмага яқин мамлакат етакчилари билан мулоқот қилишни режалаштирмоқда. Бу ҳақда у Оқ уйда журналистлар саволларига жавоб берган пайтда маълум қилди.

— Кўп раҳбарлар билан суҳбат қиламиз, тахминан йигирма атрофида. Ҳамма учрашишни истаяпти, айримлари билан учрашамиз, — деди Трамп.

Маълумот учун, БМТ Бош Ассамблеясининг 80-сессияси доирасидаги асосий тадбирлар 23–27 ва 29 сентябрь кунлари бўлиб ўтадиган умумий сиёсий муҳокамалардан иборат бўлади. Унда жами 195 мамлакат делегациялари вакиллари нутқ сўзлаши кутилмоқда.

Charos Zarqarayeva

«ZAMIN.UZ» муҳаррири