Франциялик профессионал спортчи Орельен Фонтено Эйфель минорасига велосипедда кўтарилиш бўйича янги жаҳон рекордини янгилади. У миноранинг иккинчи қаватига 12 дақиқа 30 сонияда кўтарилиб, аввалги рекорд натижасини қарийб 7 дақиқага яхшилади.
Эйфель минораси расмий Facebook саҳифасида маълум қилинишича, спортчи 686 та зинапояни босиб ўтган ва синов велосипеди (trial bike) ёрдамида рекордни қайд этган. Бундай велосипедлар махсус тўсиқларни енгиб ўтиш ва нотекис йўлларда ҳаракатланиш учун мўлжалланган.
Аввалги рекорд 19 дақиқа 4 сония бўлган. Орельен Фонтено эса бу масофани 12 дақиқа 30 сонияда босиб, натижани 6 дақиқа 34 сонияга яхшилади.
Маълумот учун, Фонтено уч карра жаҳон витсе-чемпиони ҳисобланади ва trial cycling йўналишида кўплаб халқаро мусобақаларда иштирок этган.
Унинг Эйфель минорасидаги бу ютуғи Франция спорт жамоатчилиги томонидан юқори баҳоланган ва Парижнинг рамзий иншоотида ўрнатилган илк расмий велоспорт рекорди сифатида қайд этилган.
“Zamin”ни Telegram'да ўқинг!
