Эфиопиянинг Жанубий Судан билан чегарадош ҳудудида вазият жиддийлашди — мамлакатда Марбург вирусининг илк ҳолати тасдиқланди. Мутасаддилар маълумотига кўра, ушбу хавфли юқумдан тўққиз киши, жумладан бир нечта тиббиёт ходимлари зарарлангани аниқланган.
Шундай ҳолатдан сўнг ҳукумат фавқулодда санитария чораларини кучайтирди. Чегара постларида қўшимча назорат ўрнатилди, карантин қоидалари янада қатъийлаштирилди. Махсус тест тизимлари ишга туширилиб, касалликни erta аниқлаш жараёни тезлаштирилди.
Жаҳон соғлиқни сақлаш ташкилоти ҳам вазиятга тезкор жавоб қайтарди. ЖССТ Эфиопияга 300 минг долларлик ёрдам ва зарур тиббий жиҳозларни йўллади. Мутахассислар вируснинг Дара, Танзания ва Угандада кузатилган олдинги эпидемияларга ўхшаш эканини таъкидламоқда.
Айни пайтда олимлар Марбургга қарши самарали вакцина яратиш ишларини давом эттирмоқда. Маҳаллий аҳолига эса хавфдан ҳимояланиш учун эҳтиёт чораларига қатъий риоя қилиш тавсия қилинмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
