Netflix медиа бозорида шов-шувли қадам ташлади: компания Warner Bros’ни 82,7 миллиард долларлик улкан битим орқали сотиб олиш бўйича келишувга эришди. Hollywood Reporter маълумотига кўра, “Project Noble” номи билан юритилаётган ушбу стратегик операцияга Netflix раҳбарлари Тед Сарандос ва Грег Петерс бошчилик қилган.
Таъкидланишича, келишувни амалга ошириш учун Netflix 59 миллиард долларлик молиялаштиришни йўлга қўйган. Бу рекорд даражадаги инвестиция компаниянинг жаҳон медиа бозоридаги нуфузини янги босқичга олиб чиқиши кутилмоқда. Энди Netflix нафақат стриминг хизматларини тақдим этувчи платформа, балки йирик студия, контент ишлаб чиқариш ва дистрибуция соҳасида ҳам глобал етакчига айланиши мумкин.
Компания ҳисоб-китобларига кўра, интеграция йилiga 2–3 миллиард доллар атрофида харажатларни иқтисод қилиш имконини беради. Бу эса Netflix'га янада катта бюджетли сериал ва фильмлар яратишга имконият очади.
Энг қизиғи: Warner Bros ҳузуридаги HBO сериаллари, мультфильмлар, DC комикслари ва бошқа йирик интеллектуал мулклар энди тўлақонли Netflix ихтиёрига ўтмоқда. Демак, стриминг оламидаги рақобат янада кескинлашади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
