Россияда Янги йил совғаларидан Snickers,Twix каби шоколадларни чиқариб ташлаш таклиф қилинди

Россияда жамоатчилик вакиллари болаларга мўлжалланган Янги йил совғалари таркибини ўзгартириш ташаббуси билан чиқди. Улар совға қутиларидан Snickers, Mars, Twix ва Bounty каби машҳур шоколадларни олиб ташлаб, уларнинг ўрнига мамлакатда ишлаб чиқариладиган ширинликларни жойлаштиришни таклиф қилмоқда.

Ташаббус муаллифларининг фикрича, бу орқали болаларда маҳаллий маҳсулотларга қизиқиш ва меҳр уйғотиш мумкин. Улар ёш авлодни Россияда ишлаб чиқарилган ширинликларни танлашга одатлантириш тарафдори.

Қайд этиш жоиз, мазкур ташаббус муаллифлари аввалроқ Россия мактабларида питса сотилишига ҳам қарши чиққан эди.