Исроил мудофаа кучлари (Israel Defense Forces) томонидан маълум қилинишича, Исроил армияси Эронга қарши олиб борилаётган «Арслон нидоси» операцияси доирасида тахминан 100 минг нафар захирачи ҳарбий хизматчиларни сафарбар этишга тайёргарлик кўрмоқда.
Манбаларга кўра, захирачиларни чақириш ва қабул қилиш жараёни бир вақтнинг ўзида эмас, балки босқичма-босқич амалга оширилиши режалаштирилган. Бу орқали ҳарбий қисмлар таркибини тўлдириш, қўшинларнинг жангга шайлигини ошириш ва эҳтимолий кенг кўламли операцияларга тайёргарлик даражасини юқори босқичга олиб чиқиш кўзда тутилмоқда.
Шу билан бирга, ушбу ҳарбий ҳаракатларнинг аниқ мақсадлари, қамрови ҳамда амал қилиш муддати юзасидан расмий идоралар ҳозирча қўшимча тафсилотларни ошкор қилгани йўқ.
Айни пайтда вазиятга оид қўшимча маълумотлар кутилаётгани, расмий баёнотлар эса яқин соатлар ичида эълон қилиниши мумкинлиги хабар қилинмоқда.
“Zamin”ни Telegram'да ўқинг!
