Эрон парламенти Миллий хавфсизлик комиссияси раиси Иброҳим Азизий ўзининг ижтимоий тармоқдаги саҳифасида Эрон Украинага қарши ҳарбий чоралар кўриши мумкинлигини билдирган. Азизий таъкидича, Украина Исроил режимини дронлар билан қўллаб-қувватлаётгани ва парокандаликка юз тутгани туфайли амалда урушга аралашган.
“Бирлашган Миллатлар Ташкилоти Низомининг 51-моддасига мувофиқ, Украина ўз ҳудудини Эрон учун қонуний нишонга айлантирди”, — дея ёзган Азизий.
Украина эса Яқин Шарқ мамлакатлари билан Эрон дронларига қарши курашиш соҳасида ҳамкорликни фаоллаштирган. 8 март куни Украина президенти Володимир Зеленский, украиналик экспертлар АҚШ базаларини ҳимоя қилиш учун тутувчи дронлар билан Иорданияга юборилганини маълум қилган. Жами 11 та давлатдан, жумладан Яқин Шарқ мамлакатлари, АҚШ ва баъзи Европа давлатларидан ёрдам сўраб расмий мурожаатлар келган.
Шу билан бирга, Эрон узоқ вақтдан бери Россияга Украинага қарши урушда ёрдам бериб келмоқда. Теҳрон Москвага минглаб Shahed зарба берувчи дронларни етказиб бериб, уларни Россия ҳудудида ишлаб чиқариш технологияларини ҳам топширган.
“Zamin”ни Telegram'да ўқинг!
