Эрон АҚШ томонидан ҳужум қилинган 84 денгизчисини дафн этди

Бугун Эрон 84 денгизчисини дафн этмоқда, деб хабар берилди. 4 март куни Эроннинг “Дена” эсминеци Ҳиндистондан ҳарбий параддан қайтаётган вақтда Шри Ланка ороли яқинида АҚШ сув ости кемаси томонидан ҳужумга учраган эди. Ҳужум натижасида 84 денгизчи ҳалок бўлган, 20 киши бедарак йўқолган эди.

Кеча Эроннинг бир неча шаҳарларида денгизчилар сўнгги манзилга кузатилди. Маросимларда оилалар ва ҳамкасблар қурбонларни хотирлади, уларнинг жасадлари ҳурмат билан дафн қилинди.

Эрон президенти Масуд Пезешкиён АҚШ сув ости кемаси ҳарбий можаро зонасидан минглаб миль узоқликда, тинчлик миссиясини бажариб қайтиб келаётган кемага “қўрқоқ ва жирканч ҳужум” уюштирганини таъкидлади.

Эрон Қуролли Кучлари Бош штаби ва Хатам ал-Анбия Марказий қўмондонлиги “Дена” эсминеци бегуноҳ шаҳидлари қони учун ҳалокатли ва вайронкор зарбалар билан қасос олишини эълон қилди.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг