Кетма-кет можаролар Исроил иқтисодиётига жиддий зарба берди
Кетма-кет ҳарбий тўқнашувлар Исроил иқтисодиётига жиддий зарар етказиб, тўғридан тўғри йўқотишлар 57 миллиард долларга етди. Мамлакат ХАМАС билан уруш, “Ҳизбуллоҳ” билан тўқнашувлар ҳамда Эрон билан кескин қарама-қаршилик шароитида қолмоқда. Ҳарбий харажатларнинг ортиши давлат қарзини ялпи ички маҳсулотнинг қарийб 70 фоизига яқинлаштирди, экспорт ҳажмининг пасайиши эса муаммоларни янада кучайтирди.
Кетма-кет давом этаётган ҳарбий тўқнашувлар Исроил иқтисодиётига сезиларли даражада салбий таъсир кўрсатмоқда.
Хусусан, мамлакат бир вақтнинг ўзида уч йўналишда — ХАМАС билан уруш, “Ҳизбуллоҳ” билан тўқнашувлар ҳамда Эрон билан кескин қарама-қаршилик шароитида ҳаракат қилмоқда.
Исроил Марказий банки маълумотларига кўра, Ғазо билан боғлиқ можаро бошланганидан буён тўғридан-тўғри иқтисодий йўқотишлар 57 миллиард долларга етган.Бу эса мамлакат иқтисодий барқарорлигига жиддий босим ўтказаётганини кўрсатади.
Шу билан бирга, Эрон ва Ливан билан кескинликнинг кучайиши вазиятни янада мураккаблаштирмоқда.Ҳарбий харажатларнинг кескин ортиши натижасида давлат қарзи ялпи ички маҳсулотнинг қарийб 70 фоизига яқинлашган.
Бундан ташқари, экспорт ҳажмларининг пасайиши ҳам иқтисодий муаммоларни чуқурлаштирмоқда.Мутахассислар фикрича, агар можаро давом этса, бу ҳолат Исроил иқтисодиётига узоқ муддатли салбий таъсир кўрсатиши мумкин.
Изоҳлар 0
…