Футбол жамоасига уюштирилган ҳужумда 20 ёшли футболчи ҳаётдан кўз юмди

Гананинг “Берекум Челси” клуби сафида тўп сурган 20 ёшли футболчи Доминик Фримпонг жамоа автобусига қилинган қуролли ҳужум оқибатида вафот этди.

Воқеа жамоа Гана чемпионатининг 29-тури доирасида “Самартекс”га қарши сафар учрашувидан (0:1) қайтиш жараёнида содир бўлган.

Клуб маълумотига кўра, йўл ҳаракати вақтида жамоа автобусини ниқобли, қуролланган бир гуруҳ шахслар тўсиб қўйган ва ўқ узган. Ҳайдовчи транспортни ортга буришга уринган пайтда ҳужум кучайган, футболчилар ва клуб ходимлари эса жон сақлаш учун яқин атрофдаги бутазорлар томон қочишга мажбур бўлган.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг