Россия Яқин Шарқ инқирозида Хитойни қўллаб-қувватлайди

Россия ташқи ишлар вазири Сергей Лавров Пекинда ўтказилган матбуот анжуманида мамлакати Хитойга энергия ресурслари етказиб беришни кенгайтиришга тайёр эканини маълум қилди. Унинг таъкидлашича, икки давлат энергетика соҳасида яқин ҳамкорликни ривожлантириш орқали глобал бозорларда мустақилроқ ҳаракат қилиш имкониятига эга.

Лавровга кўра, Москва ва Пекин етарли ресурс ва имкониятларга эга бўлиб, АҚШнинг жаҳон энергия бозорларига таъсирини камайтириш йўлида ҳамкорликни кучайтириши мумкин. Ушбу баёнот Россия президенти Владимир Путиннинг май ойига режалаштирилган Хитойга ташрифи арафасида янгради.

Шунингдек, Россия Яқин Шарқдаги кескин вазият туфайли юзага келиши мумкин бўлган энергия ресурслари тақчиллигини қоплашга тайёр эканини билдирди. Бу эса глобал энергетика бозорида янги мувозанат шаклланишига олиб келиши мумкин.

Эътиборлиси, Путиннинг ташрифидан бир неча кун олдин АҚШ собиқ президенти Доналд Трампнинг ҳам Хитой раҳбари Си Сзинпин билан музокаралар ўтказиши кутилмоқда.

Nigina Zarqarayeva

«ZAMIN.UZ» муҳаррири

+ Zamin.uz сайтини Googleга қўшинг