Японияда 7,4 магнитудали кучли зилзила қайд этилди
Япониянинг шимоли-шарқий соҳиллари яқинида 7,4 магнитудали кучли зилзила қайд этилди. Мамлакат метеорология агентлиги бир қатор соҳилбўйи ҳудудлар учун 3 метргача баландликдаги цунами хавфини эълон қилди. Кучли силкинишлар пойтахт Токиода ҳам сезилиб, тезюрар поездлар ҳаракати вақтинча тўхтатилди. Ҳозирча жабрланганлар ёки катта талафотлар ҳақида расмий маълумот берилмаган.
Япониянинг шимоли-шарқий соҳиллари яқинида 7,4 магнитудали кучли зилзила содир бўлди. Мамлакат метеорология агентлиги тезкор тарзда қатор соҳилбўйи ҳудудлар учун цунами хавфини эълон қилди.
Зилзила Тинч океани ҳудудида, Иватэ префектураси яқинида, 10 километр чуқурликда қайд этилган. Вақт маҳаллий ҳисобда 12:53 ни кўрсатган.
Расмийларга кўра, цунами тўлқинлари баландлиги 3 метргача етиши мумкин. Иватэ, Аомори, Мияги ҳамда Хоккайдо жануби асосий хавф зонаси сифатида қайд этилган.
Кучли силкинишлар пойтахт Токио ва бошқа йирик шаҳарларда ҳам сезилган. Хавф туфайли тезюрар поездлар ҳаракати вақтинча тўхтатилган.
Ҳозирча жабрланганлар ёки катта талафотлар ҳақида расмий маълумот берилмаган, қутқарув хизматлари вазиятни назорат қилмоқда.
Изоҳлар 0
…