Ким Чен Инга суиқасд қилинса, армия ядровий жавоб қайтаради
Шимолий Корея раҳбари Ким Чен Инга суиқасд уюштирилган ёки бошқарув тизими хавф остида қолган тақдирда, мамлакат армияси автоматик ядровий жавоб қайтаришини маълум қилди. Бу бўйича мамлакат Конституциясига тегишли ўзгартишлар киритилиб, раҳбариятга таҳдид юзага келса ядровий зарба бериш бўйича автоматик ҳаракат қилиш шартлиги белгиланди.
Шимолий Корея Ким Чен Инга суиқасд уюштирилган ёки мамлакат бошқарув тизими хавф остида қолган тақдирда автоматик ядровий жавоб берилишини маълум қилди. Бу ҳақда The Telegraph нашри хабар тарқатди.
Маълум қилинишича, мамлакат Конституциясига тегишли ўзгартишлар киритилган. Янги қоидага кўра, раҳбариятга таҳдид юзага келса, армия ядровий зарба бериш бўйича автоматик тарзда ҳаракат қилиши шарт бўлади.
Хабарларда айтилишича, мазкур қарор Эрон раҳбариятига қарши АҚШ ва Исроил томонидан амалга оширилган ҳужумлар фонида қабул қилинган. Пхеньян Эрондаги воқеалардан сўнг “раҳбариятни йўқ қилиш” тактикасига қарши ҳимояни кучайтиришга ҳаракат қилаётгани таъкидланмоқда.
Таҳлилчилар фикрича, Шимолий Кореянинг эҳтимолий ядровий жавоби асосан АҚШга қаратилган бўлиши мумкин. Шунингдек, Ким Чен Ин Жанубий Корея чегараси яқинига янги турдаги 155 миллиметрли ўзиюрар артиллерия қурилмаларини жойлаштиришни буюргани ҳам маълум қилинган.
Изоҳлар 0
…