Марокаш жанубида ўтказилган қидирув ишлари давомида бедарак йўқолган иккинчи америкалик ҳарбий хизматчининг жасади топилди. Ҳодиса “Африка шери” қўшма ҳарбий машқлари вақтида содир бўлгани айтилмоқда.
Бу ҳақда маҳаллий Le12 агентлиги Марокаш қуролли кучлари тарқатган расмий баёнотга таяниб хабар берди. Маълум қилинишича, қидирув-қутқарув операцияси мамлакатнинг жануби-ғарбида жойлашган Кап Драа ҳудудида олиб борилган.
Расмий маълумотга кўра, операцияда Марокаш армиясининг махсус қуруқлик ва денгиз бўлинмалари иштирок этган. Қидирув ишлари америкалик ҳамкорлар билан мувофиқлаштирилган ҳолда амалга оширилгани қайд этилган.
Марҳум ҳарбийнинг шахси ва унвони ҳозирча очиқланмаган. Аввалроқ Марокаш армияси биринчи америкалик аскарнинг жасади ҳам топилганини маълум қилган эди.
Пентагон маълумотига кўра, биринчи ҳалок бўлган ҳарбий 4-ҳаво мудофааси полки 5-батальони таркибида хизмат қилган катта лейтенант Кендрик Ламонт Кей кичик бўлган. У ҳаво мудофааси бўлинмасида взвод қўмондони сифатида фаолият юритган.
“Zamin”ни Telegram'да ўқинг!
