Mercedes-Benz Берлиндаги барча автосалонларини сотгани маълум бўлди
Германиянинг машҳур автомобил ишлаб чиқарувчиси Mercedes-Benz Берлиндаги барча дилерлик марказларини сотгани маълум бўлди. Bild газетаси тарқатган маълумотларга кўра, харидор сифатида Алпҳа Ауто Гроуп раҳбари, канадалик тадбиркор Кулдип Биллан тилга олинмоқда ва бу келишув пойтахтдаги еттита филиални ўз ичига олган.
Германиянинг машҳур автомобиль ишлаб чиқарувчиси Mercedes-Benz Берлиндаги барча дилерлик марказларини сотгани маълум бўлди. Харидор сифатида Alpha Auto Group раҳбари, канадалик тадбиркор Кулдип Биллан тилга олинмоқда.
Bild газетаси тарқатган маълумотларга кўра, келишув Берлиндаги еттита филиални ўз ичига олган. Ушбу марказларда тахминан 1500 нафар ходим меҳнат қилиб келаётган эди.
Манбаларнинг айтишича, компания келажакда Гамбург, Мюнхен ва Рейн-Рур саноат ҳудуди каби йирик шаҳарлардаги дилерлик марказларини ҳам сотишни режалаштирмоқда. Бу қарор тахминан 8 мингга яқин иш ўрнига таъсир қилиши мумкинлиги айтилмоқда.
Маълум бўлишича, Берлиндаги ходимларга битим ҳақида электрон почта орқали хабар берилган. Уларга пул компенсациясини қабул қилиш ёки бир йиллик иш хавфсизлиги кафолати варианти таклиф этилган. Кейинчалик амалдаги меҳнат шартномалари бекор қилиниб, янги шартномалар тузилиши режалаштирилган.
Изоҳлар 0
…