Малта барча фуқароларига ChatGPT Plus хизматидан бепул фойдаланиш имконини берaди
Малта барча фуқароларига ChatGPT Plus хизматидан бепул фойдаланиш имкониятини тақдим этувчи дунёдаги илк давлатга айланиши кутилмоқда. OpenAI компанияси билан имзоланган келишувга кўра, аҳоли сунъий интеллект бўйича махсус курсни тамомлагач, ушбу хизматдан бир йил давомида мутлақо бепул фойдалана олади.
Малта барча фуқароларига ChatGPT Plus хизматидан бепул фойдаланиш имконини берувчи дунёдаги биринчи мамлакатга айланиши кутилмоқда. OpenAI компанияси мамлакатда “Барча учун сунъий интеллект” номли миллий дастурни йўлга қўйганини эълон қилди.
Келишувга кўра, Малта фуқаролари сунъий интеллект бўйича махсус курсни тамомлаганидан сўнг ChatGPT Plus’дан бир йил давомида бепул фойдаланиши мумкин бўлади. Дастурнинг илк босқичи май ойида бошланиши режалаштирилган.
Лойиҳани Малта Рақамли инновациялар бошқармаси мувофиқлаштиради. Мамлакат расмийлари бу ташаббус фуқароларнинг замонавий технологиялар билан ишлаш кўникмаларини оширишга хизмат қилишини таъкидламоқда.
Малта иқтисодиёт, корхона ва стратегик лойиҳалар вазири Силвио Шембри мамлакат рақамли даврда ортда қолмасликка интилаётганини билдирди. Унинг айтишича, Малта фуқароларини глобал технологик ўзгаришларнинг олдинги қаторига олиб чиқишни мақсад қилган.
Дастур чет элда яшаётган Малта фуқаролари учун ҳам амал қилади. OpenAI эса келишувнинг молиявий тафсилотларини ошкор қилмаган.
Изоҳлар 0
…