Қутқарилган пингвин йиллар давомида 8 минг км сузиб, қутқарувчисининг олдига қайтиб келмоқда

2011 йилда бразилиялик балиқчи Жуан Перейра де Соуза соҳилда нефтьга беланган, ўлим ёқасидаги пингвинни топиб олган. У қушни тозалаб, парвариш қилган, соғайгач эса Дин-Дим деб номлаб, яна денгизга қўйиб юборган.

Бироқ пингвин узоққа кетмаган. Ўша куниёқ у яна Жуаннинг олдига қайтиб келган.

Кейинчалик Дин-Дим ҳар йили Аргентина ва Чили соҳиллари томон йўл олиб, 8 минг километрдан ортиқ масофани босиб ўтиши, сўнг яна Жуан яшайдиган жойга қайтиб келиши билан машҳур бўлди.

Яна бир қизиқ жиҳати, Дин-Дим бошқа одамларни ўзига яқинлаштирмайди ва силашларига ҳам йўл қўймайди. У фақат ўзини қутқарган Жуанга ишонч билдириши айтилган.