Дўконда маст бўлиб ухлаб қолган енот хайрия юлдузига айланди

1 дақиқа ўқиш16
Дўконда маст бўлиб ухлаб қолган енот хайрия юлдузига айланди
ҚисқачаAI ёрдамида тайёрланганКўрсатиш
  • АҚШнинг Виржиния штатида спиртли ичимликлар дўконига кириб, 14 та шишани синдирган ва маст ҳолда ухлаб қолган енот интернет юлдузига айланиб, ҳайвонлар бошпанаси учун 290 минг доллардан ортиқ маблағ тўпланишига сабаб бўлди.
  • 2025 йил 29 ноябр куни Эшленд шаҳрида содир бўлган ушбу воқеадан сўнг, ҳайвоннинг сурати туширилган кийим-кечак ва сувенирлар савдоси йўлга қўйилди.

АҚШнинг Виржиния штатидаги спиртли ичимликлар дўконига кириб, 14 та шишани синдирган ва ҳожатхона ёнида ухлаб қолган енот интернет юлдузига айланди. Унинг сурати туширилган кийим-кечак ва сувенирлар савдоси орқали бир йилга яқин вақт ичида ҳайвонлар бошпанаси учун 290 минг доллардан ортиқ маблағ тўпланди.

Воқеа 2025 йил 29 ноябрь куни Эшленд шаҳрида содир бўлган. Дўкон ходими эрталаб келганида, синган шишалар ва тўкилган ичимликлар орасида, ҳожатхона ёнида беҳуш ҳолатда ётган енотни кўрган. Ҳайвон дўконга шифтдаги плиталардан бири орқали тушиб, спиртли ичимликлар сақланадиган жавонларни ағдариб юборган. У ром, виски, ароқ ва бошқа ичимликларни татиб кўрган бўлиши мумкин.

Енотни ҳайвонларни ҳимоя қилиш хизмати ходимлари олиб кетган. Бир неча соат дам олгач, у ўзига келган ва жароҳат олмагани аниқланган. Шундан сўнг ҳайвон дўкондан тахминан 1,5 километр узоқликдаги табиий муҳитга қўйиб юборилган.

Унинг ҳожатхона ёнида ухлаб ётган сурати ижтимоий тармоқларда тез тарқалиб, енотни машҳур қилиб юборди. Шундан кейин Виржиния штатидаги Хановер округи ҳайвонларни ҳимоя қилиш ва бошпана хизмати кийим-кечак ишлаб чиқарувчи компания билан ҳамкорликда «Trashed Panda» ёзуви туширилган футболка, худи, бош кийим, кружка ва стикерларни сотувга чиқарди.

Do'konda ichimlik ichayotgan yenot va uning tasviri tushirilgan kulrang xudi.

Маҳсулотларга бўлган талаб юқори бўлгани сабабли кейинчалик ёзги ва Ҳеллоуин байрамига бағишланган махсус дизайнлар ҳам тайёрланди. The Washington Post нашрининг 2026 йил 12 ноябрдаги хабарига кўра, бир йилга яқин вақт ичида ушбу савдодан 290 минг доллардан ортиқ маблағ тушган. Бу бошпананинг одатдаги йиллик хайрия маблағларидан анча кўп — муассаса бир йилда 20 минг доллардан кам хайрия олар эди.

Тўпланган маблағнинг бир қисми ҳайвонларни ҳимоя қилиш хизмати ходимлари учун боди-камералар харид қилишга йўналтирилади. Бу қурилмалар ҳайвонларга нисбатан шафқатсиз муносабат ҳолатларини текшириш ва далилларни қайд этишда ёрдам беради. Қолган маблағнинг тахминан 140 минг доллари эса жароҳатланган ҳайвонларни даволаш учун фавқулодда ёрдам жамғармасини ташкил этишга сарфланиши мумкин.

Шундай қилиб, бир кечалик «саргузашти» билан машҳур бўлган енот кутилмаганда юзлаб ҳайвонларга ёрдам беришга ҳисса қўшди.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?