Шаҳзода Гаррининг рафиқаси қироллик қоидаларини қўпол равишда бузди

Меган Маркл «Trooping of the Colour» анъанавий парад ва қиролича Елизавета II нинг туғилган кунига елкаси очиқ кўйлакда ташриф буюрди. Ваҳоланки, бундай тадбирга баданни кўрсатиб турувчи очиқ либослар кийиш қиролликда қатъиян тақиқланган. Қолаверса, бу қироллик этикасига умуман зид ҳисобланади.

Илгари ҳам герцогиня Маркл бир неча маротаба қироллик этикасига тўғри келмайдиган ҳаракатларни содир этган. Масалан, бир тадбирда Гаррининг қўлини тутган ҳолда турган бўлса, бошқа бир сафар оломон орасидан дастхат сўраган қизалоқнинг илтимосини рад эта олмаганди. Айтишларича, қироллик аъзолари расмий ҳужжатларгагина имзо қўйиш ҳуқуқига эга. Расмий тадбирларда эрининг қўлидан тутиш ҳам қироллик этикасига тўғри келмайди. Шу сабабли ҳам у Елизавета хонимнинг танқидига учраган.