Ўзбекистон Республикаси Давлат хавфсизлиги хизматидан олинган маълумотларга кўра, жорий йил 16 июнь куни Қашқадарё вилоятининг Чироқчи туманида ДХХ органлари томонидан дунёнинг кўплаб мамлакатлари, жумладан, Россия Федерацияси ва АҚШда террористик ташкилот сифатида тан олинган «Ўзбекистон ислом ҳаракати» фаолиятига алоқадорлиги учун қидирувда бўлган, 1972 йилда Чироқчи туманида туғилган, 2014 йилда АҚШ фуқаролигини олган Зокир Абдуллаевич Алиев қўлга олинди.
Қўлга олиш жараёнида Зокир Алиев ноқонуний фаолиятига иқрор экани тўғрисида кўрсатма берди. Хусусан, у 2000 йилда «Ўзбекистон ислом ҳаракати»га содиқ бўлишга қасамёд қилган, Афғонистон Ислом Республикаси ҳудудида ҳарбий тайёргарликдан ўтган ҳамда Афғонистон Ислом Республикаси ҳукумат кучлари ва коалиция қўшинларига қарши жанговар ҳаракатларда иштирок этган.
«Ўзбекистон ислом ҳаракати»нинг бошқа аъзолари берган кўрсатмаларга асосан, диний-экстремистик ва террористик фаолиятни амалга оширгани учун 2005 йилда ДХХ тергов бўлимлари томонидан Зокир Алиевга нисбатан Ўзбекистон Республикаси Жиноят кодексининг 159, 223 ва 244-2-моддалари бўйича 646-сонли жиноий иш қўзғатилган.
Айни пайтда Алиевга нисбатан эҳтиёт чорасини қўллаш масаласи кўриб чиқилмоқда.
Бундан олдинроқ Қашқадарё вилояти, Чироқчи туманида милиция асли ўзбекистонлик АҚШ фуқароси, тадбиркор Зокир Алиевни қўлга олгани ҳақида хабарлар тарқалганди. Америкалик бизнесменнинг 90 кунлик визаси бўлгани, у Тошкентдан Чироқчигача ҳеч бир тўсиққа учрамай боргани айтилди.
Кейинроқ Қашқадарё вилояти ички ишлар органлари вилоятда америкалик тадбиркор қўлга олингани ҳақида маълумотга эга эмаслигини билдиришди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди