24 ноябрь куни бўлиб ўтадиган Қирғизистон миллий қурултойида республиканинг собиқ президенти Алмазбек Атамбоев ва амалдаги президент Сооронбай Жээнбековларнинг фаолиятига баҳо бериш режалаштирилган.
"24 ноябрь куни Сооронбай Жээнбековнинг давлат раҳбарлигига киришганининг бир йиллиги муносабати билан Қирғизистонда катта сиёсий қурултой бўлиши режалаштирилган", дейди 13 ноябрь куни Қурултойнинг ташкилий қўмита раиси Кенешбек Душебаев.
Душебаев Қурултой чақириш тўғрисидаги меморандумни 97 та сиёсий партия ва жамоат бирлашма вакиллари имзолаганини айтган. Улар қаторида Социал-демократлар партияси (СДП), "Қирғизистон", "Ата-Журт" (ота юрт), "Замондош", "Яшиллар партияси" ва бошқалар бор.
"Қурултойда 20 дан ортиқ жамоат ташкилотлари иштирок этишга розилик билдирган. Унга 650 киши, жумладан, 250 та сиёсий партия вакиллари ва 250 та жамоат бирлашма вакилларини таклиф қилганмиз", дейди Душебаев.
Қурултойнинг ташкилий қўмита раиси мамлакат собиқ президенти Атамбоев ҳам қурултойга таклиф қилинганини, бироқ уни иштироки тўғрисидаги жавоб ҳали олинмаганини айтган.
Қурултойнинг ташкилий қўмита аъзоси, собиқ омбудсман раиси Турсунбек Акун қурултойни ўтказишдан асосий мақсад собиқ президент Атамбоевнинг фаолиятини баҳолаш ва амалдаги мамлакат раҳбари Жээнбеков ишини баҳолаш эканлигини айтган.
"Қурултойда кўплаб маърузалар тақдим этилади. Биринчи маъруза бир йилдан бери Қирғизистон президенти бўлиб келаётган Жээнбеков фаолиятига бағишланса, иккинчисида собиқ президент Атамбоевнинг президентлик давридаги фаолиятига баҳо берилади", дейди Акун.
Шунингдек, у яна бир маъруза Қирғизистоннинг парламентига алоқадор бўлишини айтиб ўтган.
24 ноябрь куни бўлиб ўтадиган қурултой ҳукуматнинг юқори мартабали вакиллари иштирок этадиган, СДП ва президент аппарати фаол ҳамкорлик қиладиган биринчи йиғилиш бўлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
