10:42 / 02.01.2019
3 890

АҚШ ва Исроил ЮНЕСКОдан расман чиқди

АҚШ ва Исроил ЮНЕСКОдан расман чиқди
1 январдан АҚШ ва Исроил Бирлашган миллатлар ташкилотининг Таълим, фан ва маданият ташкилоти (ЮНЕСКО)дан расман чиқди. АҚШ ва Исроил 2017 йилда ЮНЕСКОдан чиқишини эълон қилган эди. Бироқ ЮНЕСКО низомига кўра, ташкилотдан чиқиш бир йилдан сўнг расмий кучга киради.

АҚШ 1984 йилда, президент Роналд Рейган даврида ташкилотга аъзолигини тўхтатган эди. 2003 йилда АҚШ президенти Жорж Буш мамлакатнинг ташкилотга аъзолигини тиклаганди.

Исроилнинг ЮНЕСКОдан чиқишига ташкилотнинг Фаластин борасидаги позицияси сабаб бўлди. 2011 йилда Фаластин ЮНЕСКОга тўла аъзо бўлди. Бу халқаро ташкилотлар ичида Фаластиннинг биринчи марта давлат сифатида тан олиниши эди.

Шунингдек, Фаластиннинг Исроил томонидан ишғол қилинган ҳудудида ва Шарқий Қуддусдаги тарихий (Масжидул Ақсо) обидалари ЮНЕСКОнинг бутунжаҳон мероси рўйхатига киритилиши ҳам Исроил томонининг норозилигига сабаб бўлганди.

Исроил 1949 йилда ташкилотга аъзо бўлган. Исроилнинг иттифоқчиси бўлган АҚШ ЮНЕСКОнинг Фластин борасидаги позициясига норозилик сифатида ташкилотдан чиқишини билдирганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » АҚШ ва Исроил ЮНЕСКОдан расман чиқди