Фото: Reuters
Зимбабве йўқолиб кетиш хавфи остида бўлган Африка филларидан 500тасини отишга лицензияларни сотувга қўяди. Мамлакатнинг боғлар ва ёввойи табиат бошқармаси вакили Тинаше Фаравонинг таъкидлашича, бундай қадамни амалга оширишга пандемия сабабли туризмдан олинадиган даромад камайиб кетгани асосий сабаб ҳисобланади.
«Бизда фаолиятимизга 25 млн долларлик бюджет бор. Ушбу маблағ қисман спорт овидан олинади, бироқ ҳозирда пандемия сабабли туризм деярли ўлган», деб тушунтирган Фараво.
Мамлакат ҳукумати Африка ўрмон фили йўқолиб кетиш хавфи остида экани эълон қилингандан бор-йўғи бир неча ҳафта ўтиб бундай баёнот берди.
Зимбабвенинг атроф-муҳитни ва инсон ҳуқуқларини муҳофаза қилиш гуруҳи матбуот котиби Симисо Млеву ҳукуматнинг ушбу қарорини қўллаб-қувватламаслигини айтган. «Биз бундай овга қаршимиз. У инсон ва ёввойи табиат ўртасидаги ихтилофни кескинлаштиради», деб айтган Млеву.
Унинг таъкидлашича, мамлакат даромадларини оширишнинг инновацион ва экологик хавфсиз чораларини излаш лозим.
Зимбабве филларга пуллик ов рухсат берилган Африкадаги ягона давлат эмас. Намибияда 2020 йил декабрда қўриқхоналарда филлар кўпайиб кетгани ва қурғоқчилик сабабли 170та фил сотувга қўйилган.
Африка фили қуруқликда яшовчи энг катта ҳайвон ҳисобланади. Жаҳон ёввойи табиат жамғармаси маълумотларига кўра, Африка филлари яшайдиган майдон тобора қисқариб бормоқда. Ушбу майдон 1979 йилдаги 7,8 млн квадрат километрдан ҳозирда 2,6 млн квадрат километргача қисқариб кетган. Бу асосан экин майдонлари кенгайтирилиши ҳисобига юз бермоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Футзал. Осиё Кубоги. Тожикистон Японияни гуруҳда қолдирди
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Швейцария президенти Путинга мактуб йўллади
Ўзбекистонда ўтган уч ойда қанча автомобиль ишлаб чиқарилган?