Россия мудофаа вазири, армия генерали С.Шойгу келиб кетди-ю, шу кунгача тинчгина яшаб келган қирғиз ва тожик биродарларимиз эртасига арзимаган видеокамералар дастидан бир-бирига қарата ўқ уза бошлади.
Назаримда, бу ерда бир гап бор... Видеокамералар махсус операция бошлашга важ бўлган, холос, деган гумондаман. Фикримча, тунов куни ўтган КХШТ мудофаа вазирларининг кенгашида нимадир "ёпишмаган", иттифоқчилар ўрис генерали таклиф қилган қалтис режага кўнмаган. Бинобарин, ўрис ўзининг қирғиз ва тожик биродарларимиз орасида фаолият юритаётган бешинчи колоннасини ишга солиб, фитна чиқарган. Бу масалада Кремлнинг олдида биров ип эша олмаса керак.
Ана энди мутлақо фойдасиз ташкилот бўлмиш КХШТнинг икки иттифоқчисини ўзаро яраштириб қўйиш баҳонасида Россиянинг ҳарбий-сиёсий раҳбарияти Марказий Осиё давлатларидаги ўз ҳарбий контингентини, хусусан, жойларда фаолият юритадиган ҳарбий мутахассислар ва махсус техника турларини кўпайтириб олиши, тегишли операциялар уюштириб бориши мумкин.
Бу билан у, АҚШ ва НАТО қўшинлари тарк этган Афғонистондан Россияга нисбатан юзага келадиган "афғон хавфи"ни бартараф этиш чораларини кўрган бўлади. Россия учун эса бундай хавф туғилиши муқаррар. Чунки ушбу масалада "дарёнинг нариги томони"да қолган хорижий махсус хизматлар яхшигина ҳаракат қилади ва ўрис буни жуда яхши билади.
Россиянинг бундай найранглари оқибатида икки қардош халқнинг бегуноҳ вакиллари жабр кўриши ёмон. Тахминим қанчалик тўғри эканлигини билиш учун воқеалар ривожини кузатиб борамиз.
Шокир Долимов,
ҳарбий-сиёсий шарҳловчи,
истеъфодаги подполковник
“Замин” янгиликларини “Facebook”да кузатиб боринг
ҳарбий-сиёсий шарҳловчи,
истеъфодаги подполковник
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Ўзбекистонда ўтган уч ойда қанча автомобиль ишлаб чиқарилган?
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Академик Қодир Ғуломов Қўшработда бўлди
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
АҚШнинг Суриядаги ҳарбий базасига ракеталар ҳужум қилди
Рамзан Қодировнинг 19 ёшли қизи медаль билан тақдирланди