Лавашдан ақл бовар қилмайдиган миқдорда таомлар тайёрлаш мумкин! У хамир ва нонни осонгина алмаштиради, уй бекаларига яқинларини ноодатий ва мазали газаклар билан ҳайратда қолдиришга ёрдам беради.
Қиймадан тайёрланган серсув начинкали иштаҳаочар қарсилдоқ нон рецептини улашамиз. Тез тўйимли таом тайёрлаш керак бўлганда ҳақиқий ёрдамчи.
Масаллиқлар:
— 1 та пиёз;
— 3 та саримсоқ бўлаги;
— 200 г ҳар қандай қийма;
— туз, қора мурч ва қалампирмунчоқ - таъбга кўра;
— ўсимлик ёғи - 10 г;
— кўкат - таъбга кўра;
— 2 та юмалоқ лаваш;
— қаттиқ пишлоқ - 50 г.
Тайёрлаш тартиби:
Олдиндан 2 та юмалоқ лаваш тайёрлаб қўйинг. Улардан бирини диаметри кичрайтирилиб, четларидан 2 см кенгликда тасма қирқиб олинади. Кичикроқ лаваш нон учун "қопқоқ" вазифасини ўтайди.
1-қадам
Товада ёғни қиздириб, майда тўғралган пиёзни териб чиқамиз. Қовуриш 2 дақиқа. Прессдан ўтказилган саримсоқпиёзни солиб, яна бир неча дақиқа қовурамиз. Қийма, туз, мурч, қалампирмунчоқ солиб, аралаштириб турган ҳолда гўшт пишгунча қовурамиз. Энг охирида қиймага майда тўғралган кўкатларни солиб аралаштирамиз ва товани оловдан оламиз.
2-қадам
Нонни шакллантирамиз. Тоза товага (у оловда эмас!) катта юмалоқ лаваш қўямиз, устига қирғичдан ўтказилган пишлоқ сепамиз. Қиймадан начинка қўямиз. Қиймани майда лаваш билан ёпамиз. Кичик лавашнинг четларига пишлоқ сепиб, катта лавашнинг четлари билан шу пишлоқни ёпамиз. Таом ўз шаклини сақлаб қолиши учун ноннинг устига ясси ликопча ёпамиз.
3-қадам
Ўртадаги оловга бошқа товани қўямиз. Нонни (тарелка билан бирга) тўнтариб, эҳтиёткорлик билан ушбу товага қўямиз (кичик лаваш пастга қаратилади). Икки томонини 3 дақиқадан қовурамиз. Нонни ағдариш учун ликопчадан фойдаланинг. Шунда у шаклини сақлаб қолади, асоси эса тўкилиб кетмайди.
Натижада жуда мазали ва қарсилдоқ нон ҳосил бўлади. У тушлик, кечки овқат ва енгил тамадди учун жуда мос келади! Ёқимли иштаҳа!
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
