Москва вилояти Пушино шаҳридан бўлган 11-синф ўқувчиси мактабдаги лаборатория машғулоти пайтида тасодифий равишда муҳим илмий кашфиётга дуч келди. Бу ҳақда “MK” нашри хабар берди.
Николай Уликов замбуруғлар билан ишлаш жараёнида ўсимликларда моғор ва бошқа замбуруғларнинг ўсишини тўхтата оладиган бактерия штаммини аниқлади. Дарс давомида у ва синфдошлари Петри косаларида типратикан қўзиқоринини етиштиришга ҳаракат қилишган. Қўзиқорин ёввойи табиатдан олингани сабабли у билан бирга муҳитга бегона микроорганизмлар ҳам тушган.
Бира муддатдан сўнг, Уликов Петри косасида “ҳало” деб аталадиган стерил ҳалқа билан ўралган кичик бактерия колониясини пайқади. Мазкур ҳудудда бошқа микроорганизмлар ўсмагани аниқланди.
Кейинги кузатишлар шуни кўрсатдики, топилган бактерия штамми замбуруғлар ўсишини тўхтатувчи модда ажратиб чиқаради. Ана шу модда колония атрофида стерил зона ҳосил қилган.
Уликовнинг фикрича, топилма аниқ замбуруғга қарши хусусиятга эга бўлиб, келгусида илмий тадқиқотлар учун катта қизиқиш уйғотиши мумкин. Бундай бактериялардан қишлоқ хўжалигида экинларни замбуруғли касалликлардан ҳимоя қилишда, оғир кимёвий воситаларсиз самарали фойдаланиш имкони бор.
“Zamin”ни Telegram'да ўқинг!
