Кеч ухлаш ва уйқу етишмаслиги болага фақат чарчоқ эмас, ўсиш ва ривожланишга ҳам салбий таъсир қилиши мумкин. Чунки ўсиш гормони асосан тунги чуқур уйқу пайтида, айниқса 23:00–01:00 оралиғида фаол ишлаб чиқарилади. Бола 22:00 дан кейин ухлаб қолса, шу муҳим босқични “ўтказиб юбориши” эҳтимоли ортади.
Уйқу камайса, болада асабийлик, кайфият ўзгариши, хотира ва диққат пасайиши, реакция секинлашиши кузатилиши мумкин. Шунинг учун ёшга қараб меъёрий уйқуни таъминлаш керак:
- 1–3 ёш 11 соат
- 3–6 ёш 10 соат
- 6–13 ёш 9 соат
- 13–17 ёш 8 соат
Агар бола тез-тез касалланса, вазни ўзгарса, ўсиши секинлашса ёки ўқиши ёмонлашса — кун тартибини тўғрилаб, ухлашдан камида 2 соат олдин гаджетларни чеклаш лозим. Белгилар давом этса, педиатр ва болалар эндокринологига мурожаат қилиш тавсия қилинади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
