Кўз зиноси

Дўстим билан бугун кўчада кўз зиносидан сақланиш нақадар қийин эканлигидан нолидик. Шунда у бир ривоятни айтиб берди:

Ҳазрати Усмон розияллоҳу анҳунинг олдиларига бир киши киради, унинг кўзларига қараб:

“Кўзларингда зино изларини кўряпман, Аллоҳдан уялмадингми?!” – дейдилар. Шунда у киши ҳайратланиб:

“Эй Усмон, қаердан билдингиз? Ё пайғамбарлик ҳамон давом этяптими?” – деганида, ҳазрат Усмон розияллоҳу анҳу жавоб берадилар:

“Йўқ, пайғамбарлик Расулуллоҳ соллаллоҳу алайҳи ва салламнинг вафотлари билан кесилди. Фаросатим билан билдим”.

Ҳазрати Усмон розияллоҳу анҳунинг ҳузурларига кирган инсон йўлда келаётиб кўзлари гўзал бир аёлга тушган эди. Чиройига мафтун бўлиб, икки-уч бор қайрилиб қарага эди.

Манба: Azon.uz «Замин»ни Telegram’да ўқинг!