Эрта ажин тушишига сабаб бўлувчи кундалик одатлар

^{Фото: Getty Images}
Сиз эътибор бермайдиган, лекин одатий бўлган ҳолатлар ажин тушишига сабаб бўлиши мумкин.

Кўзни қисиб қараш
Кўз нурининг равшан эмаслиги сабаб яхши кўрмаслик ва қуёшга кўзойнаксиз қараш оқибатида кўзни қисиб қараш одат бўлиб қолади. Бунинг оқибати эса фақатгина ажин тушиши билан якун топмайди. Шу сабаб ҳам сизда шу каби одат кузатиладиган бўлса, зудлик билан шифокорга бориш тавсия қилинади.

Қовоқ солиш
Асабийлашиш ёки ғазабланишда юзнинг барча мускуллари тиришади, қовоқ солинганда эса қошлар чимирилиб, унинг атрофида ажин пайдо бўлади. Шу боис ҳам эмоцияларни назорат қилиш, бўлар-бўлмасга қовоқ солмаслик керак. Баъзида телефонга тикилганда ҳам шу одат кузатилади, бундай вақтда сизга нима ёқмаётгани ва қандай вазиятда қошингизни чимиришингизни аниқлаб, муаммони бартараф этишга киришинг.

Асабийлашганда тишни тишга қўйиш
Нохуш ёки ёқимсиз вазиятларда ҳам тишини-тишига қўйиб индамай туриш, эмоцияларини яшириш ҳам ажин пайдо бўлишига олиб келади. Аслида бу ҳолат организмнинг ҳимоя реакцияси ҳисобланиб, сизни ҳамма нарсани ичингизга ютишингиз, асабларни тамом қилиш билан бирга лаб атрофига эрта ажин тушиши ва учбурчак чизиқлар пайдо бўлишига олиб келади.

Ётган ҳолда ўқиш
Китоб ёки гаджетлардаги электрон китобларни ётиб ўқиш вақтида бош пастга эгилади ва бу бўйинда ажин йиғилишига олиб келади. Оқибатда ажинларнинг ўзигина эмас, бўйин толиқиши кузатилиб саломатликка салбий таъсир қилиши ҳам мумкин. Шу сабаб ҳам ўтирган ҳолда ўқиш ҳамда бошни эгиб олмаслик керак.

Қорин билан ухлаш
Агар сиз шундай ухлайдиганлардан бўлсангиз, демак, сизда қон айланишида муаммолар кузатилиши билан бирга юзингизда шиш ва ажинлар ҳам кўзга ташланиши мумкин. Энг яхши вазият тепага қараб ухлаш эканини ёддан чиқарманг.

Манба: Daryo.uz “Замин” янгиликларини “Telegram”да кузатиб боринг